Perunun keçmiş prezidentinin həbs müddəti 14 ay uzadılıb
Peruda cinayət təşkilatına rəhbərlik etmək və ictimai cinayətlər törətmək ittihamı ilə 2022-ci ilin dekabr ayından mühakimə olunan sabiq prezident Pedro Kastillonun profilaktik həbs cəzası daha 14 ay uzadılıb.
Milli mətbuatda yer alan xəbərə görə, məhkəməyə videokonfrans vasitəsilə və vəkili ilə qatılan Kastillo ona qarşı irəli sürülən ittihamları qəbul etməyib.
Məhkəmə Kastillonun qabaqlayıcı həbs cəzasını daha 14 ay uzadıb və keçmiş prezidentin 2025-ci il avqustun 6-dək həbsdə qalmasına qərar verib.
Prokuror Qalinka Mezanın prezidentlik dövründə cinayət təşkilatına rəhbərlik etdiyi və ictimai cinayətlər törətdiyi iddiası ilə Kastilloya qarşı 36 ay qabaqlayıcı həbs cəzası tələbi 8 mart 2023-cü ildə yüksək məhkəmə tərəfindən təsdiqlənib.
Qeyd edək ki, Kastilloya qarşı prezidentlik dövrü ilə əlaqədar beş cinayət işi açılıb və onlardan ikisində onun cinayət təşkilatının üzvü olub-olmaması araşdırılır.
