Polşa Belarus sərhədinin bəzi hissələrində hərəkət məhdudiyyətləri tətbiq edir
Polşa artan miqrasiya təzyiqi və təhlükəsizlik səbəbi ilə Belarus sərhədinin bəzi hissələrində hərəkət məhdudiyyətləri tətbiq etməyə başlayıb.
Polşa hökuməti Belarus sərhədinin bəzi hissələrində hərəkəti məhdudlaşdıran təcrübənin bu gündən qüvvəyə mindiyini açıqlayıb.
Təxminən 400 kilometrlik Polşa-Belarus sərhədinin 60 kilometrinə təsir edən və 90 gün ərzində qüvvədə qalması planlaşdırılan tətbiq çərçivəsində icazəsiz şəxslərin bəzi yerlərdə 200 metrə qədər, bəzi yerlərdə isə 2 kilometrə qədər sərhədə yaxınlaşmasına icazə verilməyəcək.
Bununla belə sərhədyanı ərazilərin sakinləri, rayonda işləyən və ya təhsil alanlar sərhəd zonasına daxil ola biləcəklər.
