Norveç, İsveç və Finlandiya hərbi nəqliyyat dəhlizinin yaradılması barədə razılığa gəliblər
Finlandiya, Norveç və İsveç üç ölkənin şimal ərazilərindən keçəcək hərbi nəqliyyat dəhlizinin yaradılması barədə razılığa gəliblər.
Bu barədə Norveçin baş naziri Yonas Qahr Stör isveçli həmkarı Ulf Kristersson və Finlandiya prezidenti Aleksandr Stubb ilə görüşdən sonra bildirib.
Nəqliyyat dəhlizi Norveç, İsveç və Finlandiyanın şimalından keçəcək. Layihənin məqsədi İsveç və Finlandiya vasitəsilə Norveç limanlarından qoşunların və silahların köçürülməsi üçün lazım olan vaxtı azaltmaqdır.
Qeyd edək ki, üç ölkənin liderləri 19-20 iyun tarixlərində Norveçin şimalındakı Bodo şəhərində təhlükəsizlik və hərbi əməkdaşlıq məsələlərini müzakirə etmək üçün bir araya gəliblər.
