Tayvan ətrafında 37 Çin hərbi təyyarəsi aşkar edilib
Tayvan adası ətrafında 37 Çin hərbi təyyarəsi aşkar edilib və onlardan 36-sı Tayvan boğazında tərəflərin təsir zonalarını məhdudlaşdıran xətti keçib.
Tayvan Müdafiə Nazirliyinin X sosial media platformasındakı hesabından verilən açıqlamada adanın ətrafında Çin ordusuna aid 37 təyyarənin göründüyü bildirilib.
Açıqlamada qeyd olunub ki, 37 hərbi təyyarədən 36-sı Tayvan boğazında nominal orta xəttdən kənara çıxıb və Tayvanın “Hava Hücumundan Müdafiə Müəyyənetmə Zonası” olaraq elan etdiyi əraziyə daxil olub.
Çinin ərazisinin bir hissəsi olduğunu iddia etdiyi Tayvan 1949-cu ildən de-fakto müstəqilliyə malikdir. Çin və Tayvan arasında vətəndaş müharibəsindən sonra ortaya çıxan ayrılma və suverenlik mübahisəsi davam edir.
Son illərdə Tayvana hərbi təzyiqləri artıran Pekin administrasiyası adanın materiklə birləşdirilməsi üçün lazım gələrsə, güc tətbiqini istisna etməyəcəyini vurğulayır.
Mənbə: Haber Global
