Nigeriyada vəba epidemiyası can almaqda davam edir
Nigeriyada vəba epidemiyasından ölənlərin sayı 156-ya yüksəlib.
Nigeriya Xəstəliklərə Nəzarət Mərkəzi (NCDC) tərəfindən verilən açıqlamada 15-21 iyul tarixləri arasında ölkədə 170 vəba yoluxmasının qeydə alındığı və epidemiyada 3 nəfərin öldüyü bildirilib.
Açıqlamada yanvar ayından bu yana ölkədə 4 min 809 vəba yoluxmasının qeydə alındığı və epidemiya səbəbindən həyatını itirənlərin sayının 156-ya yüksəldiyi bildirilib.
Bildirilib ki, vəba ilə mübarizə çərçivəsində tibbi ləvazimatlar xəstəliyə qarşı mübarizə, infeksiyanın qarşısının alınması və nəzarət üçün ölkə daxilindəki bütün sağlamlıq mərkəzlərinə göndərilib.
Mənbə: AA
