Zambiyada vəbadan ölənlərin sayı 374-ə çatıb
Zambiyada vəba epidemiyasından ölənlərin sayı 374-ə yüksəlib.
Səhiyyə naziri Silvia Masebo jurnalistlərə bildirib ki, vəba epidemiyası 2023-cü ilin oktyabr ayından bu yana ölkənin 116 regionundan 45-nə təsir edib.
Ölkədə son 24 saatda 12 nəfərin vəbadan öldüyünü qeyd edən Masebo, 431 vəba xəstəliyinin aşkarlandığını bildirib.
Beləliklə 2023-cü ilin oktyabrından ölkədə vəba epidemiyası səbəbindən həyatını itirənlərin sayı 374-ə çatıb.
