Robert Kennedinin Nyu York əyalətində namizədliyi qeydə alınmayıb
Nyu-York ştatının Ali Məhkəməsi Demokratlar Partiyasının namizədi və hazırkı vitse-prezident Kamala Harrisin tərəfdarlarının şikayətindən sonra müstəqil namizəd Robert Kennedinin ştatda prezident seçkilərində iştirak etmək üçün qeydiyyatdan keçməsini rədd edib.
Bu barədə CNN məhkəmə məlumatına istinadən xəbər yayıb. Nəşr yazır ki, məhkəmə bu qərarı "Clear Choice" təşkilatından Harris tərəfdarlarının kiçik Kennedinin Nyu-York ştatında saxta yaşayış ünvanı verdiyi, əslində isə Kaliforniyada yaşadığı barədə şikayətindən sonra verib. "Hakim müəyyən edib ki, siyasətçinin Nyu-Yorkdakı iqamətgahı “yanlışdır” və “seçiciləri qeydiyyata almaq və ştatda öz siyasi məqsədlərinə çatmaq” üçün istifadə olunub”, - deyə məlumatda qeyd edilir.
CNN xəbər verir ki, Kennedi kiçik Demokrat Partiyasının demokratiyaya hörmətsizlik nümayiş etdirdiyini və qərara etiraz etməyi planlaşdırdığını bildirib. "Onlar (demokratlar - red.) seçkilərdə qalib gələ biləcəklərinə əmin deyillər, buna görə də seçiciləri seçim hüququndan məhrum etməyə çalışırlar, biz müraciət edəcəyik və qalib gələcəyik", - telekanal onun sözlərindən sitat gətirir. Qeyd olunur ki, hazırda siyasətçinin 17 ştatda seçkilərdə iştirakına icazə verilib.
