"TikTok" fenomeni tutuquşu Ginnesin dünya rekordunu qırdı
Sosial media fenomeni olan boz tutuquşu üç dəqiqə ərzində ən çox obyekti müəyyən edən tutuquşu kimi Ginnesin Rekordlar Kitabına düşüb.
ABŞ məzmun istehsalçıları Dalton və Victoria Mason ilə yaşayan Apollonun "TikTok"da 2,8 milyon, "YouTube"da isə 1,3 milyon izləyicisi var.
Cütlük 2020-ci ildən onlarla birlikdə yaşayan 4 yaşlı boz tutuquşuya təlim keçir.
13 dekabr 2023-cü ildə Apollon 3 dəqiqə ərzində 12 obyektin adını çəkərək dünya rekordu qırıb.
Ginnesin Rekordlar Kitabı avqustun 7-də böcəklər, kitablar və corablar kimi 12 şeyin adını çəkən Apollonun 3 dəqiqə ərzində tutuquşu tərəfindən müəyyən edilən ən çox obyektin rekordunu qırdığını açıqlayıb.
Mason cütlüyü tutuquşunun uğuru ilə əlaqədar olaraq, "Məqsədimiz heyvanların təbii zəkaları haqqında məlumatlandırmaqdır. Rekordumuzun “quş beyin” ifadəsinin mənasını dəyişəcəyinə inanırıq" deyib.
Mənbə: Independent
