ÜST və tərəfdaşları meymun çiçəyi epidemiyasını müzakirə ediblər
Ümumdünya Səhiyyə Təşkilatının (ÜST) baş direktoru Tedros Adhanom Qebreyesus tərəfdaşları ilə Konqo Demokratik Respublikasında meymun çiçəyi epidemiyasına qarşı birgə fəaliyyət və koordinasiya ilə nəzarət edə biləcəkləri mövzusunda razılaşdıqlarını bildirib.
Qebreyesus X sosial media platformasında meymun çıçəyi haqqında paylaşım edib.
Konqo Demokratik Respublikasında Birləşmiş Millətlər Təşkilatının (BMT) nümayəndələri ilə görüşdüklərini bildirən Qebreyesus ölkə daxilində və xüsusilə münaqişələrdən təsirlənən şərq bölgəsində meymun çiçəyi epidemiyasına qarşı birgə mübarizənin müzakirə edildiyini qeyd edib.
Qebreyesus "Konqo Demokratik Respublikasında xəstəliklərə nəzarəti, ictimaiyyətin virus haqqında məlumatlılığını artırmaq və kritik xəstələr və onların təmasda olan şəxsləri üçün peyvəndlər təqdim etməklə hökumətin rəhbərlik etdiyi tədbirləri dəstəkləmək üçün ümumi öhdəliyimizi bir daha təsdiqlədik. Uyğun hərəkət və koordinasiya ilə meymun çiçəyi epidemiyalarını nəzarət altına ala bilərik" ifadələrini işlədib.
Mənbə: AA
