Şimali Koreya nüvə silahı potensialını artırmağı hədəfləyir
Şimali Koreya lideri Kim Çen In ölkəsinin nüvə silahı potensialını artırmaq üçün siyasət yürütdüklərini bəyan edib.
Şimali Koreya Mərkəzi Xəbər Agentliyinin (KCNA) xəbərinə görə, Kim Şimali Koreyanın yaranmasının 76-cı ildönümü münasibətilə keçirilən bayram tədbirlərində çıxış edib.
ABŞ başda olmaqla artan nüvə silahlanmasını Şimali Koreya üçün təhlükə yaratdığını ifadə edən Kim, hərbi üstünlüyün qorunub saxlanmalı və daha da artırılmalı olduğunu vurğulayıb.
Kim, buna görə də ölkəsinin nüvə silah potensialını eksponensial artırmaq üçün siyasət yürütdüklərini açıqlayıb.
Davamlı olaraq nüvə təhdidlərinə məruz qaldıqlarını bildirən Kim, nüvə silahından özünü müdafiə üçün istifadə edəcəklərini və bunun heç kim üçün təhlükə yaratmayacağını qeyd edib.
Kim Şimali Koreyanın məsuliyyətli nüvə silahı dövləti olduğunu deyib.
Mənbə: AA
