Rusiya: Kurskda 10 yaşayış məntəqəsini geri aldıq
Rusiya Müdafiə Nazirliyi Ukrayna qoşunlarının daxil olduğu Kursk vilayətində 10 yaşayış məntəqəsinin geri alındığını açıqlayıb.
Nazirlikdən verilən açıqlamada Rusiya ordusunun Kursk istiqamətində fəaliyyəti barədə məlumat verilib.
Kursk bölgəsində Rusiya və Ukrayna əsgərləri arasında qarşıdurmaların davam etdiyi bildirilən açıqlamada Şimal Hərbi Qrupu əsgərlərinin hücumları nəticəsində iki gündə bölgədə 10 yaşayış məntəqəsi azad edildiyi qeyd edilib.
Açıqlamaya görə, Ukrayna əsgərlərinin yerləşdiyi yerlərə havadan və qurudan hücumlar təşkil edilib və Ukrayna son 24 saat ərzində 300-dən çox əsgəri və 24 zirehli texnikasını itirib.
Mənbə: AA
