Kanada parlamentinə Trüdoya etimadsızlıq sənədi təqdim edilib
Kanadanın müxalif Mühafizəkarlar Partiyası milli parlamentə baş nazir Castin Trüdonun liberal hökumətinə etimadsızlıq səsverməsi ilə bağlı məsələni təqdim edib.
AFN.az xəbər verir ki, bu barədə "Global News" telekanalı məlumat yayıb.
Debatlar çərşənbə axşamı, səsvermənin özü isə çərşənbə günü, sentyabrın 25-də olacaq. Mühafizəkarların təşəbbüsünün uğursuz olacağı gözlənilir, çünki digər iki müxalifət partiyası - Quebécois Bloku və Kanada Yeni Demokratik Partiyası (NDP) əvvəldən həmkarlarının təklifini dəstəkləməyəcəklərini deyiblər. Parlamentdəki yerlərin hazırkı düzülüşünə görə, liberallar üçün mənfi ssenari bütün müxalifət partiyalarının mühafizəkar təşəbbüsü dəstəkləməsini nəzərdə tutur.
2021-ci ilin son parlament seçkilərinin nəticələrinə görə, Trüdonun rəhbərlik etdiyi Kanada Liberal Partiyası milli qanunvericilik orqanında yerlərin əksəriyyətini qazana bilməyib. Siyasətlərini həyata keçirmək üçün 2022-ci ilin martında liberallar NDP ilə müqavilə bağlayıblar.
Kanadada növbəti parlament seçkiləri 2025-ci ilin oktyabrına təyin edilib.
