Həbsxanaya dronlarla çatdırılma edirlər
İngiltərənin Mançester şəhərində cinayətkarlar narkotikdən tutmuş xardala qədər hər şeyi birbaşa kameranın pəncərələrinə uçurmaq üçün dronlardan istifadə edirlər.
İngiltərənin Mançester şəhərindəki polis dəstələri ekspert pilotları işə götürdüyünü açıqlayıb. Böyük Mançester polisi bildirib ki, dronlar həbsxananın divarları üzərindən mobil telefonlar, duş gelləri, şampunlar, xardal, ketçup və mayonez kimi ədviyyatlar keçirib.
Polis zabiti Constable Andy Bakthorpe iddia edib ki, çəkisi 7 kiloqrama qədər olan "böyük yüklər" kəndirlərə asılmış və həbsxana pəncərələrinin yanında sallanmışdı.
Polis qüvvələri bu yaxınlarda Mançesterin Salford şəhərindəki HMP Forest Bank özəl həbsxanasına vertolyotla basqın edərək problemi həll etməyə çalışıb.
Fransız qida xidməti şirkəti "Sodexo" tərəfindən idarə olunan B kateqoriyalı həbsxananın sözçüsü, qanunsuz maddələrin daşınması ilə mübarizə üçün polislə birlikdə işlədiklərini söyləyib.
Hökumətin erkən azad etmə proqramı çərçivəsində bu həftə Böyük Mançester həbsxanalarını tərk edən məhbuslar narkotiklərin həbsxanalarda asanlıqla mövcud olduğunu təsdiqləyiblər.
Yaxınlarda azadlığa çıxan keçmiş məhbus Lyuis Harrop, "Orada (həbsxanada) burada gördüyünüzdən daha çox narkotik görəcəksiniz" - deyə vəziyyəti dəyərləndirib.
Başqa bir keçmiş məhbus Corc Kuper deyib: "Mən deyərdim ki, Forest Bankın 80 faizi narkotikdən istifadə edir və içəridə çoxlu cib telefonu var".
