İtaliyada səhiyyə işçiləri 24 saatlıq tətilə başlayıblar
İtaliyada səhiyyə işçiləri hökumətin 2025-ci il büdcə qanun layihəsində səhiyyə sektoruna daha az vəsait ayırdığı səbəbilə ölkə daxilində 24 saatlıq tətilə başlayıblar.
AFN.az yerli mediaya istinadən xəbər verir ki, həkimlər və tibb bacıları həmkarlar ittifaqı və peşə palatalarının çağırışı ilə hökumətin 2025-ci il büdcəsində sağlamlıq üçün az vəsait ayırdığı səbəbilə etiraz etmək məqsədilə bir günlük işi dayandırıblar.
Həmkarlar ölkə daxilində tətilə iştirak nisbətinin yüzdə 85 ətrafında olduğunu bildirib.
Tətil zamanı fövqəladə vəziyyətdə olan xəstələrə xidmətlərə zəmanət verilib. 15 mindən çox təcili olmayan əməliyyatın və 100 min müayinənin təxirə salınması riski isə qalır.
Tətillə əlaqədar 500-dən çox tibb işçisi paytaxt Romada Apostoli meydanında mitinq keçirib.
Xəstəxanalarda tibb işçilərinə daha çox hörmət tələb edən qrup, italyan dilində "hörmət" yazılan lövhələr daşıyıb. İştirakçılar resurs çatışmazlığını da gündəmə gətiriblər.
