Rutte Ukrayna üçün NATO komandanlığının fəaliyyətə başladığını elan edib
NATO-nun baş katibi Mark Rutte Brüsseldə Aİ liderləri ilə Ukrayna üzrə mini sammitin keçiriləcəyini təsdiqləyib.
AFN.az-ın xarici mediaya istinadən məlumatına görə, o, keçirdiyi mətbuat konfransında bildirib ki, əsas mövzu silah təchizatı, əsasən də hava hücumundan müdafiə olacaq. O, həmçinin Visbadendə Ukrayna üçün NATO komandanlığının fəaliyyətə başladığını elan edib.
"Mən bir sıra məsələləri müzakirə etmək üçün Avropa ölkələrinin bir neçə liderini toplayıram. Əsas gündəm silah-sursat, əsasən də hava hücumundan müdafiə sistemlərinin tədarüküdür. Biz Ukraynaya daha çox hava hücumundan müdafiə sistemi və digər silahlar idxal etməliyik. Ukraynalılar öz enerji infrastrukturlarını qorumaq üçün təcili olaraq əlavə 19 hava hücumundan müdafiə sisteminə ehtiyac duyurlar", - deyə Rutte bildirib.
"Ukraynanı güclü vəziyyətə salmaq lazımdır. İndi cəbhə şərqə yox, qərbə doğru irəliləyir. Bunu dəyişmək bizim əsas prioritetimizdir", - NATO baş katibi əlavə edib.
O, həmçinin NATO liderlərini sülh haqqında daha az danışmağa çağırıb. "İndi sülh sazişinin necə olacağını öz aramızda müzakirə etsək, ruslar üçün bunu çox asanlaşdırmış olarıq. Onlar stullarında əyləşəcək, bizim müzakirələrimizi dinləyəcək və siqar çəkərkən video lentlərə baxacaqlar. Məncə, bu, yaxşı deyil" - deyə Rutte bildirib.
O, həmçinin NATO-nun Visbadendəki Ukrayna komandanlığının fəaliyyətə başladığını bildirib. O, əvvəllər ABŞ-ın rəhbərlik etdiyi Ramşteyn formatının səlahiyyətlərini öz üzərinə götürüb və indi NATO Kiyevə hərbi təchizatı koordinasiya edəcək.
