Osimhen qohumunu da "Qalatasaray"a gətirdi
"Qalatasaray" futbol komandasının nigeriyalı hücumçusu Viktor Osimhen qohumunu "Qalatasaray"a gətirib.
AFN.az xəbər verir ki, bu barədə türkiyəli idman şərhçisi Serhan Türk məlumat verib. Onun sözlərinə görə, Osimhen özünün gənc qohumunu "Qalatasaray"ın U17 komandasına gətirib: "Özünü "Qalatasaray"a o qədər aid hiss edir ki, gənc qohumunu Türkiyəyə gətirərək klubun yönəticilərinə tövsiyə edib. Deyib ki, bunun məndən daha yaxşı futbolçu olacağını düşünürəm, siz də bir sınayın. Həmin gənc oyunçu da hücumçudur və artıq Türkiyədədir".
Qeyd edək ki, Viktor Osimhen "Qalatasaray"a 2024-2025 sezonunun əvvəlində İtaliyanın "Napoli" klubundan icarə əsasında gətirilib. Onun türk klubuna birdəfəlik transfer olunacağı gözlənilir.
