Çin ABŞ-ın yeni administrasiyası ilə əməkdaşlığa ümid edir
Çin iki ölkə arasında münasibətləri daha da sabitləşdirmək üçün ABŞ-ın yeni seçilmiş prezidenti Donald Trampın administrasiyası ilə işləməyi səbirsizliklə gözləyir.
AFN.az xarici mediaya istinadən xəbər verir ki, bu barədə Çinin ABŞ-dakı səfirliyinin mətbuat katibi Liu Penqyu məlumat verib.
“Biz ümid edirik ki, ABŞ-ın yeni administrasiyası düzgün seçim edəcək və Çin-ABŞ münasibətlərinin sabitləşdirilməsində çətinliklə qazanılmış sürəti saxlamaq üçün Çinlə birlikdə çalışacaq”.
Sözçü həmçinin xatırladıb ki, Tayvan məsələsi ABŞ və Çin arasında münasibətlərdə “qırmızı xətt”i təmsil edir. Eyni zamanda, bu xətti keçməmək fikir ayrılıqlarının həllində əsas amildir.
