KİV: Bayden Administrasiyası müharibə elan etmədən İrana cavab verməyi nəzərdən keçirir
ABŞ prezidenti Co Baydenin administrasiyası amerikalı əsgərlər arasında itkilər olacağı təqdirdə İranla genişmiqyaslı münaqişənin mümkünlüyünü etiraf edir.
AFN.az xəbər verir ki, bu haqda "The New York Times" yazıb.
Bayden administrasiyası şiə üsyançılarının ABŞ hərbi bazalarına davam edən raket hücumlarına görə İrana mümkün cavabları nəzərdən keçirir. Eyni zamanda, ABŞ hesab edir ki, əsas vəzifə tammiqyaslı hərbi münaqişədən qaçmaqdır.
Bununla belə, rəsmilər özəl olaraq etiraf edirlər ki, hücumlarda Amerika əsgərləri həlak olarsa, müharibə başlaya bilər. Qeyd olunur ki, bu, hələ keçilməmiş “qırmızı xətt”dir, lakin belə bir hadisə hər an baş verə bilər.
