Zelenski Səudiyyə Ərəbistanına gedib
Ukrayna prezidenti Vladimir Zelenski Səudiyyə Ərəbistanına səfər edib.
AFN.az xəbər verir ki, bu barədə "Reuters" məlumat yayıb. Zelenskinin orada bir sıra görüşlərinin olacağı bildirilir.
Xatırladaq ki, sabah Səudiyyə Ərəbistanında Ukrayna və Amerika nümayəndə heyətləri arasında danışıqların keçirilməsi planlaşdırılır. Əvvəllər məlum idi ki, Zelenski bu danışıqlar ərəfəsində Səudiyyə Ərəbistanına səfər edəcək, lakin o, nümayəndə heyətlərinin görüşündə iştirak etməyəcək.
Amerika nümayəndə heyətinə ABŞ dövlət katibi Marko Rubio, ABŞ-ın Yaxın Şərq üzrə xüsusi nümayəndəsi Stiv Vitkoff və ABŞ-ın milli təhlükəsizlik üzrə müşaviri Mayk Vals daxildir.
Eyni zamanda, Ukrayna nümayəndə heyətinin tərkibinə ən azı Ukrayna Prezidentinin Aparatının rəhbəri Andrey Yermak və Ukraynanın Müdafiə naziri Rustem Umerov daxil olmalıdır.
Zelenskinin özünün sözlərinə görə, o, Səudiyyə Ərəbistanında vəliəhd şahzadə Məhəmməd bin Salmanla görüşəcək.
"Bundan sonra mənim komandam amerikalı tərəfdaşlarla işləmək üçün Səudiyyə Ərəbistanında qalacaq. Sülhdə ən çox Ukrayna maraqlıdır", - Zelenski vurğulayıb.
