Pakistan qoşunları Kəşmirə daxil olub
Pakistan qoşunları Cammu və Kəşmirin birlik ərazisinin Poonç sektorunda Hindistan ərazisinə daxil olub.
AFN.az xəbər verir ki, bu barədə "Hindustan Times" yazıb. Bildirilir ki, ordu qüvvələri Hindistan və Pakistanın nəzarətində olan Kəşmiri ayıran Nəzarət Xətti boyunca atəş açıb.
Nəşrin Hindistan ordusunun sözçüsünə istinadən verdiyi məlumata görə, Hindistan ordusu müdaxiləyə cavab verib. "Vəziyyət nəzarət altındadır və yaxından izlənilir. Hindistan Ordusu Nəzarət Xəttində sülhün qorunması üçün Hindistan və Pakistan Silahlı Qüvvələri arasında 2021-ci ildə əldə edilmiş Anlaşma Prinsiplərinə əməl etməyin vacibliyini bir daha bəyan edir", - deyə ordu sözçüsü bildirib.
Yerli KİV-in məlumatına görə, Pakistan əsgərlərinin Cammu və Kəşmirdə Hindistan ərazisini zəbt etməsi ilə bağlı insident respublikanın daxili işlər naziri Amit Şahın aprelin 7-8-də bölgəyə səfərindən bir qədər əvvəl baş verib.
