Putin və Trampın görüşü ilə bağlı hələlik heç bir razılaşma yoxdur
Rusiya və ABŞ prezidentləri Vladimir Putin və Donald Tramp arasında görüş hələlik razılaşdırılmayıb.
AFN.az xəbər verir ki, bunu Rusiya prezidentinin mətbuat katibi Dmitri Peskov TASS-ın sualını cavablandırarkən deyib. O bildirib ki, Moskva ilə Vaşinqton arasında müxtəlif səviyyələrdə təmaslar davam edir.
"Putin və Tramp arasında mümkün görüşün tarixi və vaxtı ilə bağlı hələ dəqiq anlaşma yoxdur, bu məsələ ilə bağlı sizə konkret məlumat verə bilmərəm. Biz amerikalılarla müxtəlif səviyyələrdə və müxtəlif kanallar vasitəsilə təmasları davam etdiririk", - deyə Peskov əlavə edib.
