Danimarkanın baş naziri Frederiksenin ABŞ-a Qrenlandiya mesajı
Danimarkanın baş naziri Mette Frederiksen ABŞ-a xəbərdarlıq edib ki, beynəlxalq təhlükəsizliklə bağlı arqument olsa belə, başqa ölkəni ilhaq edə bilməz.
Baş nazir Frederiksen Qrenlandiya səfəri zamanı ABŞ prezidenti Donald Trampın ada barəsində söylədiyi fikirlərlə bağlı açıqlamalar verib.
Qrenlandiyanın həm yeni, həm də köhnə liderləri ilə görüşən Frederiksen Danimarkanın etibarlı NATO müttəfiqi olduğunu qeyd edib.
Müttəfiq kimi bir-birinin bölünməsinə icazə vermənin düşmənlərinə xidmət etmək mənasına gəldiyini vurğulayan Frederiksen bunun qarşısını almaq üçün əlindən gələni edəcəyini bildirib.
"Bizim şirkətlərimizdən ABŞ-a sərmayə qoymağı xahiş etdiyiniz zaman, onlar da bunu edirlər. Bizdən müdafiəmizə daha çox xərcləməmizi tələb etdiyiniz zaman, biz də bunu edirik. Arktikada təhlükəsizliyi gücləndirməyimizi istəyəndə biz razılaşırıq", - Frederiksen deyib.
Baş nazir Frederiksen sözlərini belə davam etdirib:
"Amma Danimarka Krallığının ərazisinin bir hissəsini ələ keçirməyi tələb edəndə, ən yaxın müttəfiqimiz tərəfindən təzyiq və təhdidlərlə üzləşdikdə, bu qədər illərdir heyran qaldığımız ölkə haqqında nəyə inanaq? Bu, Atlantik okeanının o tayında birlikdə qurduğumuz dünya nizamı məsələsidir. Başqa bir ölkəni, hətta beynəlxalq təhlükəsizlik arqumentinə görə də ilhaq edə bilməzsiniz".
Frederiksen ABŞ-ı Arktikada təhlükəsizliyin gücləndirilməsi ilə bağlı "bunu birlikdə etməyə" çağırıb.
