Almaniyada məhbus ziyarətinə gələn həyat yoldaşını həbsxanada öldürdü - İDDİA
Almaniyada məhbusun onu ziyarətə gələn həyat yoldaşını həbsxanada öldürdüyü iddia edilib.
Alman mətbuatının Stendal Prokurorluğuna əsaslanan xəbərində 35 yaşlı qadının həbsxanada ərini ziyarət etdikdən sonra həbsxananın iclas otağında ölü tapıldığı bildirilib.
Qeyd edilib ki, arvadını öldürdüyü iddiası ilə məhbus barəsində prokurorluq araşdırmalara başlayıb.
Maqdeburq yaxınlığındakı Burg həbsxanasında olan 37 yaşlı kişi məhbusun uzunmüddətli ziyarətlər üçün ayrılmış və daim nəzarət olunmayan otaqda həyat yoldaşı ilə tək olduğu bildirilib.
Şəxsi otaqda keçirilən görüşlər zamanı ümumiyyətlə heç bir səs və ya müşahidə nəzarətinin olmadığı paylaşılıb.
Ölən qadının cəsədinin yarılma üçün məhkəmə tibb müəssisəsinə aparıldığı öyrənilib.
