KİV: ABŞ Kiyev üçün yeni hərbi yardım paketlərini müzakirə etmir
Nə Ağ Ev, nə də ABŞ Konqresi ABŞ-ın keçmiş lideri Co Baydenin administrasiyası tərəfindən təsdiqlənmiş resurslar tükəndikdən sonra Ukraynaya yeni hərbi yardım paketlərinin ayrılması imkanını əslində müzakirə etmir.
Bu barədə "New York" Times öz mənbələrinə istinadən məlumat yayıb.
Nəşr qeyd edir ki, hazırkı prezident Donald Trampın dövründə Birləşmiş Ştatlar Ukrayna ilə bağlı mövqeyini öz mənfəəti baxımından yenidən nəzərdən keçirib və indi Kiyevdən ona verə biləcəyindən çox, əldə edə biləcəyindən çıxış edir. Adı açıqlanmayan Avropa rəsmiləri də qəzetə bildiriblər ki, Qərb Vaşinqtondan ABŞ-ın gələcəkdə Ukrayna ilə geniş miqyaslı kəşfiyyat məlumatı mübadiləsini davam etdirəcəyinə dair təminat almayıb.
Bu arada Tramp sülh danışıqlarının nəticəsiz qalacağı təqdirdə Ukraynaya hərbi yardımın kəsilib-kəsilməyəcəyi ilə bağlı sualı cavablandırmaqdan imtina edib.
