Pentaqon: Yaxın aylarda Suriyadakı əsgərlərimizin sayını 1000-dən aşağı salacağıq
Pentaqonun sözçüsü Sin Parnel Suriyada xidmət edən ABŞ əsgərlərinin vəzifələri ilə bağlı edilən yeniləmələr nəticəsində önümüzdəki aylarda ölkədəki əsgərlərin sayının 1000-dən aşağı salınacağını açıqlayıb.
Sözçü Parnel tərəfindən verilən açıqlamada Suriyadan çıxarılacaq ABŞ əsgərləri ilə bağlı məlumat verilib.
ABŞ sözçüsü açıqlamasında Suriyada terror təşkilatı İŞİD-ə qarşı əldə edilən uğurlara və hazırkı hərbi qiymətləndirmələrə toxunaraq, "Müdafiə naziri bu gün Birləşmiş Müştərək İşgüzar Qüvvələr-Qətiyyət əməliyyatı çərçivəsində Suriyadakı ABŞ qüvvələrinin müəyyən nöqtələrdə birləşdirilməsi əmrini verdi" deyib.
Parnel bu iki əməliyyatın birləşdirilməsinin ABŞ-ın Suriyadakı əsgər sayını azaltması mənasına gəldiyini qeyd edərək, "Bu şüurlu və şərtlərə əsaslanan proses ABŞ-ın Suriyadakı izini önümüzdəki aylarda 1000-dən az ABŞ qüvvəsinə endirəcək" bildirib.
DAEŞ-ə qarşı atılan addımlara diqqət çəkən sözçü mübarizənin ABŞ Mərkəzi Komandanlığı (CENTCOM) daxilində davam etdiriləcəyini söyləyib.
"Terrorizm təhlükəsi təkcə Yaxın Şərqlə məhdudlaşmır və biz bütün qitələrdə İŞİD-in gizlənməyə heç bir yerinin olmaması üçün ayıq-sayıq olacağıq", - deyə Parnel qeyd edib.
