Husilər ABŞ-a məxsus pilotsuz təyyarəni vurdu
Yəməndə İranın dəstəklədiyi husilər ABŞ hərbi pilotsuz təyyarəsini vurduqlarını və iki döyüş gəmisini hədəfə aldıqlarını açıqlayıblar.
Husi ordusunun sözçüsü Yəhya Seri verdiyi açıqlamada Yəmənin şimal-qərbindəki Hacı əyaləti sahillərində ABŞ-a məxsus MQ-9 tipli PUA-nı yer-hava raketi ilə vurduqlarını bildirib.
Seri aprel ayında vurulan ABŞ-a aid PUA-ların sayının 7-yə, hücumların başından bəri vurduqları PUA sayının isə 20-yə yüksəldiyini söyləyib.
Seri Qırmızı dəniz və Oman dənizlərində ABŞ Hərbi Dəniz Qüvvələrinə məxsus "Truman" və "Carl Vinson" təyyarə gəmilərini çox sayda qanadlı raket və PUA ilə hədəf aldıqlarını qeyd edib.
