ABŞ Çinə tətbiq edilən rüsumları birtərəfli qaydada azaltmaq niyyətində deyil
ABŞ Çindən gələn məhsullar üçün gömrük rüsumlarını birtərəfli qaydada azaltmaq niyyətində deyil. Vaşinqton Pekinin tarifləri azaltmasını və ABŞ üçün ticarət maneələrini qaldırmasını görmək istəyir.
AFN.az xarici mediaya istinadən xəbər verir ki, bunu Ağ Evin mətbuat katibi Karolin Levitt deyib.
"Aydın olmaq istəyirəm, Çinə birtərəfli rüsum endirimi olmayacaq. Prezident açıq şəkildə bildirdi ki, Çin ABŞ-la razılaşmalıdır və biz bunun baş verəcəyinə son dərəcə nikbinik", - deyə o, "Fox News"a deyib. Qeyd edib ki, Çin üçün tariflərin nə olacağına qərar vermək prezidentdən asılıdır: "Lakin biz əlbəttə ki, Çindən tariflərin azaldılması və tarif maneələrini görməliyik".
Onun sözlərinə görə, Vaşinqton və Pekin son nəticədə Amerika sənayesini və işçilərini birinci yerə qoyan ədalətli ticarət razılaşmasına nail olacaq.
