Fələstində bir il ərzində ümumi seçkilər keçiriləcək
Bir il ərzində Qəzza zolağı da daxil olmaqla Fələstin ərazilərində ümumi prezident və parlament seçkiləri keçiriləcək.
AFN.az İNA-ya istinadən xəbər verir ki, bu barədə Ərəb Liqası liderlərinin Bağdadda keçirilən 34-cü sammitinin yekunları üzrə dərc edilmiş bəyanatında bildirilib.
Sənəddə deyilir: “Xalq öz qanuni nümayəndələrini yalnız demokratik seçkilər yolu ilə seçə bilər. Ona görə də bir il ərzində bütün Fələstin ərazilərində, o cümlədən Qəzza zolağı, İordan çayının qərb sahili və Şərqi Qüdsdə ümumi prezident və parlament seçkiləri keçiriləcək. Biz bunun üçün lazımi şəraitin yaradılmasını xahiş edirik”.
