Kanadada meşə yanğınları: 17 mindən çox insan təxliyə ediləcək
Kanadanın Manitoba əyalətində genişmiqyaslı meşə yanğınları səbəbilə fövqəladə vəziyyət elan olunub. Əyalət rəhbərliyi 17 mindən çox sakinin təxliyə edilməsinə qərar verib.
Əyalət üzrə fövqəladə vəziyyət elan edildi
CBC News-un məlumatına görə, Manitoba əyalətinin Baş naziri Vab Kinyu mətbuata açıqlamasında “Manitoba hökuməti meşə yanğınları səbəbilə əyalət miqyasında fövqəladə vəziyyət elan edib,” – deyə bildirib.
Baş nazir Kinyu 17 mindən artıq insanın təxliyəsi barədə göstəriş verdiklərini qeyd edərək, Kanada Baş naziri Mark Karniydən yanğınlarla mübarizə üçün hərbi dəstək tələb etdiklərini açıqlayıb.
Ən çox zərər yerli xalqa dəyib
Əyalətdəki 26 yerli xalqı təmsil edən "Manitoba Keewatinowi Okimakanak" adlı təşkilatın yaydığı yazılı bəyanatda bildirilib ki, təxliyə edilənlərin əksəriyyəti “İlk Xalqlar” adlandırılan yerli icmalardandır.
Whiteshell Eyalət Parkında iki nəfər həyatını itirib
Manitobanın Whiteshell Eyalət Parkında sürətlə yayılan meşə yanğınları nəticəsində iki nəfər həyatını itirib. Uluslararası Təbiəti Mühafizə İttifaqının (IUCN) qorunan ərazilər siyahısında yer alan bu parkda da fövqəladə vəziyyət elan olunub.
