Hakan Fidan BRİKS sammitində Quterreşlə görüşüb
Türkiyənin xarici işlər naziri Hakan Fidan və BMT-nin baş katibi Antonio Quterreş Braziliyada keçirilən BRİKS sammiti çərçivəsində görüşüblər.
AFN.az xəbər verir ki, bu barədə TASS-a Türkiyə Xarici İşlər Nazirliyindəki mənbələr məlumat verib.
"Görüşdə Ukraynadakı münaqişə, eləcə də Qəzza zolağında baş verənlər, Yaxın Şərqdəki təhlükəsizlik vəziyyəti və Kipr problemi müzakirə edilib”, - deyə məlumatda qeyd edilir. Mənbələr təfərrüatları açıqlamayıblar.
Qeyd edək ki, BRİKS sammitində Türkiyəni Hakan Fidan təmsil edib.
