Tramp: Rusiyaya sanksiyalar mənim qərarımdan asılıdır
Rusiyaya qarşı sanksiyaların qəbulu mənim mülahizəmdən asılıdır.
AFN.az xəbər verir ki, bunu ABŞ prezidenti Donald Tramp Nazirlər Kabinetinin iclasında bildirib. "Bu, mümkün qanun layihəsidir, tamamilə mənim ixtiyarımdadır. Mən buna çox ciddi baxıram" - deyə Tramp qeyd edib.
ABŞ prezidenti ona verilən Konqresin sözügedən qanun layihəsini qəbul etməsini istəyib-istəmədiyi və onu imzalamağa hazır olub-olmadığı ilə bağlı suala cavab verib. O, qeyd edib ki, senatorlar sərt sanksiyalar tətbiq edirlər.
Həmin qanun layihəsi əvvəllər Senat üzvlərindən ibarət ikipartiyalı qrup tərəfindən təqdim edilib. Sənədin əsas müəllifləri senatorlar Lindsi Qrem (Cənubi Karolinadan olan respublikaçı) və Riçard Blumental (Konnektikutdan demokrat) olub.
Təşəbbüs digər məsələlərlə yanaşı, Rusiyanın ticarət tərəfdaşlarına qarşı ikinci dərəcəli sanksiyaları nəzərdə tutur. Senatorların təklifinə Rusiyadan qaz, neft, uran və digər mallar alan ölkələrdən ABŞ-a idxala 500% idxal rüsumları daxil edilib.
