Rusiya-Ukrayna arasında əsir mübadiləsi həyata keçirildi
May və iyul ayları arasında rus və ukraynalı nümayəndə heyətlərinin İstanbulda apardığı danışıqlar çərçivəsində iki ölkə arasında əsir mübadiləsi davam edir. Son mübadilə çərçivəsində 146 rus və 146 ukraynalı hərbi əsir azad edilib.
Rusiya ilə Ukrayna arasında atəşkəs diplomatiyası davam etdiyi bir vaxtda iki ölkə arasında əsir mübadiləsinə daha biri əlavə olunub.
Rusiya Müdafiə Nazirliyinin yaydığı açıqlamada bildirilib ki, 146 rus hərbçisi Kiyevin nəzarətində olan ərazilərdən geri qaytarılıb. Əvəzində isə Ukrayna Silahlı Qüvvələrinə mənsub 146 hərbi əsir Ukraynaya təhvil verilib.
Bundan əlavə, Kursk vilayətində saxlanılan 8 rus vətəndaşının da əsir mübadiləsinin bir hissəsi olaraq geri qaytarıldığı açıqlanıb.
