İlon Mask Grok 2.5-i açıq mənbə etdi
İlon Mask süni intellekt söhbət robotu Grok 2.5-in açıq mənbə olaraq yayımlandığını açıqlayıb.
xAI şirkətinin sahibi İlon Mask bildirib ki, istifadəçilər modeli Hugging Face üzərindən endirib öz kompüterlərində işlədə və kodlarını ehtiyaclarına uyğun şəkildə dəyişdirə biləcəklər.
Mask həmçinin bir neçə ay ərzində Grok 3-ün də açıq mənbə ediləcəyini açıqlayıb. Prosesin 2026-cı ilin fevralına qədər tamamlanması gözlənilir.
Grok 2.5 artıq xAI üçün köhnə modeldir
xAI iyul ayında Grok 4 və Grok 4 Heavy versiyalarını yayımlayıb.
Buna baxmayaraq Grok 2.5 əvvəlki açıq mənbə modeli Grok 1-ə nisbətən əhəmiyyətli təkmilləşdirmələr ehtiva və mühəndislik biliklərinə malik istifadəçilər üçün hələ də funksional bir seçim təqdim edir.
Maskın məqsədi süni intellekti hər kəs üçün əlçatan etməkdir
Grok-un ilk versiyası 2023-cü ildə X istifadəçilərinə təqdim olunub. 2024-cü ilin martında ilk açıq mənbə paylaşımı edilib, noyabrda isə Grok X üzərindən məhdud olsa da pulsuz istifadə üçün açılıb.
Mask vurğulayıb ki, süni intellekt yalnız texnologiya nəhənglərinin nəzarətində olmamalıdır.
