Kim Çen İn ABŞ-dan nüvə silahsızlanması tələbindən imtina etməsini istədi
Şimali Koreya lideri Kim Çen İn ABŞ-a uzun müddət dayandırılmış diplomatiyanın yenidən başladılması üçün ön şərt kimi nüvə silahlarını təhvil vermə tələbindən imtina etməyi tövsiyə edib.
Kim Şimali Koreya dövlət mediasında yayımlanan parlamentdəki çıxışında Cənubi Koreya ilə dialoqu yenidən başlatmaq niyyətində olmadığını bildirib.
O deyib ki, dünya ABŞ-ın digər ölkələri nüvə silahlarından imtina etməyə və silahsızlanmağa məcbur etdikdən sonra nə etdiyini çox yaxşı bilir. Kim nüvə silahlarını heç vaxt təhvil verməyəcəklərini vurğulayıb.
Kim ABŞ Prezidenti Donald Trampla ilk görüşlərindən yaxşı xatirələrinin olduğunu, lakin Vaşinqton nüvə silahsızlanma ilə bağlı xəyali fikrindən imtina etsə, ABŞ-la görüşlərə yenidən başlamağa heç bir maneənin olmadığını bildirib.
