2026 Dünya Kubokunun maskotları təqdim olundu
FİFA gələn il ABŞ, Kanada və Meksikanın birgə ev sahibliyi edəcəyi 2026 Dünya Kuboku-nun rəsmi maskotlarını açıqlayıb. Turnirdə Kanadanı Maple adlı şimal maralı, Meksikanı Zayu adlı bəbiri, ABŞ-ı isə Clutch adlı ağ başlı qartal təmsil edəcək.
FİFA prezidenti Canni İnfantino bildirib ki, Maple, Zayu və Clutch Dünya Kubokunun sevincini, enerjisini və birləşdirici ruhunu daşıyır.
Maple the Moose Kanadanın bütün əyalət və bölgələrini birləşdirən səyahət simvolu kimi təqdim olunub.
Zayu the Jaguar ölkənin cənubundakı meşələrdən gəlir, rəqs, mətbəx və ənənələrlə zəngin Meksika mədəniyyətini təcəssüm etdirir.
Clutch the Bald Eagle isə ABŞ-ı simvolizə edərək hər mədəniyyəti, hər oyunu və hər anı coşqu ilə qucaqlayır.
Sahədə də iştirak edəcəklər
Maskotlar yalnız simvol deyil, həm də meydanda oyunçu obrazında təsvir ediliblər. Maple qapıçı, Zayu sürətli hücumçu, Clutch isə orta sahədə bağlayıcı güc kimi təqdim olunur.
Turnirin təqvimi
Dünya Kubokunun açılış oyunu 2026-cı il iyunun 11-də Mexikonun məşhur Estadio Azteca stadionunda keçiriləcək. Final qarşılaşması isə iyulun 19-da ABŞ-ın Nyu Cersi ştatındakı MetLife Stadium-da oynanacaq.
Bu dəfə ilk dəfə olaraq final matçında yarımfinal şou (halftime show) təşkil ediləcək. Genişlənmiş formatla turnirdə ümumilikdə 48 komanda 104 oyun keçirəcək.
