KİV: ABŞ-ın Ukrayna planına suverenlik və ərazi məsələləri daxil edilib
ABŞ-ın Ukrayna üzrə sülh planı dörd paketə bölünüb və bunlar arasında Ukraynanın suverenliyi, ərazi və iqtisadi məsələlər, eləcə də Avropa təhlükəsizliyi mövzuları yer alır.
AFN.az xəbər verir ki, bu barədə "The New York Times" mənbələrə istinadla məlumat yayıb.
Qəzetin verdiyi məlumata görə, paketlərdən biri Ukraynanın suverenliyi, müharibəsiz dövrdə silahlı qüvvələrin sayı və raketlərin uçuş məsafəsi ilə bağlı məsələləri əhatə edir. Digər paketlər isə ərazi məsələləri, iqtisadi əməkdaşlıq və daha geniş Avropa təhlükəsizliyi mövzularını əhatə edir.
