Myanmarda ordunun Arakana hücumu nəticəsində 33 nəfər öldürüldü
Myanmar ordusunun Arakan əyalətində xəstəxanaya həyata keçirdiyi hava hücumunda 33 nəfər həlak olub, ən azı 76 nəfər yaralanıb.
Irrawaddy saytının məlumatına görə, ordu qüvvələri Banqladeş sərhədində yerləşən Mrauk-U şəhərindəki xəstəxanaya hava hücumu həyata keçirib.
Hücum nəticəsində aralarında səhiyyə işçilərinin də olduğu 33 nəfərin öldürüldüyü, ən azı 76 nəfərin yaralandığı bildirilib.
Hərbi idarə bölgədə hər hansı hücumun həyata keçirildiyi barədə açıqlama verməyib.
Bundan əlavə, ordu qüvvələrinin 5 dekabrda Sagaing bölgəsində həyata keçirdiyi hava hücumunda ən azı 18 mülki şəxs həlak olmuş, 20 nəfər yaralanmışdı.
