İsrailin Livanın cənubuna hücumu nəticəsində 9 nəfər ölüb
İsrail ordusunun Livanın cənubuna həyata keçirdiyi hava hücumunda aralarında qadın və uşaqların da olduğu 9 nəfər ölüb, 5 nəfər isə yaralanıb.
Livanın rəsmi agentliyi NNA-nın xəbərinə görə, İsrail ordusunun döyüş təyyarələri Nəbatiyyə vilayətinin Kefur Şimali şəhəri ətrafındakı sənaye zonasında yerləşən sement zavodunu vurub.
Livan Səhiyyə Nazirliyinin verdiyi açıqlamaya görə, hücum nəticəsində ana və 2 uşağı olmaqla ümumilikdə 9 nəfər ölüb, 2-si ağır olmaqla 5 nəfər yaralanıb.
NNA xəbərləri ölən və yaralananların əksəriyyətinin suriyalı qaçqınlar olduğunu bildirib.
Mənbə: AA
