Qanunsuz saxlanılan silahlar aşkar edildi: 4 avtomat, 14 tüfəng
Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir.
Bu haqda DİN məlumat yayıb.
Bildirilib ki, martın 7-də və 8-də polis əməkdaşları paytaxt və respublikanın ayrı-ayrı rayonlarında 4 avtomat silahı, 5 qumbara, 4 alışdırıcı, 14 tüfəng, 3 patron darağı və 91 ədəd müxtəlif çaplı patron aşkar edərək götürüblər.
Nazirlikdən verilən məlumata görə, qanunsuz silahların dövriyyəsinə qarşı mübarizə tədbirləri kəsintisiz olaraq davam etdiriləcəkdir.
