“Qarabağ”ın bir oyunu ləğv edildi: səbəb rəqib olma ehtimalıdır
Bolqarıstanın ÇSKA klubu yay təlim-məşq toplanışının proqramına düzəliş edib.
Bu barədə Sofiya təmsilçisinin Mətbuat xidməti məlumat yayıb.
Bildirilir ki, iyunun 27-də Avstriyada “Qarabağ”a qarşı planlaşdırılan yoxlama görüşü ləğv edilib. Bu qərarın verilməsinə hər iki komandanın UEFA Avropa Liqasında bir-birinə rəqib olmaq ehtimalı səbəb olub.
Belə ki, tərəflər Avroliqada ilk mərhələni uğurla keçəcəkləri təqdirdə növbəti raundda üz-üzə gələ bilərlər.
