İndiana qubernatoru Trampdan ştatda fövqəladə vəziyyət elan etməsini xahiş edib
İndiana qubernatoru Maykl Braun insan tələfatına və kütləvi elektrik kəsintilərinə səbəb olan fəlakətdən sonra ABŞ Prezidenti Donald Trampa müraciət edərək ştatda federal fövqəladə vəziyyət rejiminin elan olunmasını xahiş edib.
AFN.az xarici mediaya istinadən xəbər verir ki, qubernator bu tarixi əlverişsiz hava şəraiti fonunda İndiana sakinlərinin həyatını və dolanışığını qorumaq üçün bütün imkanları səfərbər etdiyini bildirib. O, ştat daxilində təbii fəlakətlə bağlı fövqəladə vəziyyət elan etdiyini və İndiana Milli Qvardiyasını cəlb etdiyini, indi isə zərərçəkmiş icmalara birbaşa dəstəyi gücləndirmək üçün təcili federal kömək istədiyini qeyd edib.
Müraciət təcili reaksiya tədbirlərinə, suda xilasetmə əməliyyatlarına, elektrik təchizatının bərpasına və fəlakət bölgələrinə digər federal resursların ayrılmasını nəzərdə tuturdu. Təbii fəlakətin pik həddində 300 mindən çox abunəçi işıqsız qalıb, bəzi ərazilərdə daşqın səviyyəsi 100 illik rekordları geridə qoyub.
