İranla müharibədə yaralanan ABŞ hərbçilərinin sayı 757-yə çatıb
ABŞ Müdafiə Nazirliyinin (Pentaqon) müharibə itkiləri məlumat bazasına görə, İranla başlayan müharibədən bu yana yaralanan amerikalı hərbçilərin sayı 750-ni keçib.
AFN.az xəbər verir ki, Pentaqon Tehran və Vaşinqton arasında qarşıdurmaya son qoymağa yönəlmiş danışıqların dalana dirənməsi ilə məlumat bazasını yeniləyərək yaralanan hərbçilərin sayına 50-dən çox yeni qeyd əlavə edib.
Müdafiə İtkilərinin Təhlili Sistemi (DCAS) məlumatlarına görə, fevralın 28-də başlayan prosesdən bu yana 18 ABŞ hərbçisi həyatını itirib, 757 hərbçi isə yaralanıb.
Pentaqon ötən ay iyulun 7-dən etibarən həyatını itirən və yaralanan şəxsi heyəti izləmək məqsədilə məlumat bazasında “Xaricdə Əməliyyatlar” başlığı altında yeni kateqoriya yaradıb.
Bu tarix Donald Tramp administrasiyasının Konqresə Konqresin Müharibə Səlahiyyətləri Qanunu çərçivəsində İranla yeni qarşıdurma mərhələsinin başladığını bildirdiyi günə təsadüf edir.
Yenilənmiş rəqəmlər Pentaqonun məlumat bazasındakı ölən və yaralananlarla bağlı göstəricilərin azalması səbəbindən tənqidlərə məruz qalmasından sonra açıqlanıb.
Ötən ay məlumat bazasından silinən 4 ölüm və onlarla yaralanma qeydi daha sonra sistemə yenidən əlavə edilib. Müdafiə Nazirliyi sözügedən məlumat itkilərinin müvəqqəti məlumat kəsintilərindən qaynaqlandığını açıqlayıb.
ABŞ Prezidenti Donald Tramp isə verdiyi açıqlamada İranla aparılan danışıqları dayandırmasına və Hörmüz boğazında gərginliyin davam etməsinə baxmayaraq, prosesin çox yaxşı irəlilədiyini müdafiə edib.
