ABŞ mətbuatı: Hörmüzdə İranın hücumu nəticəsində 8 ABŞ dəniz piyadası yaralanıb
İranın iki həftə əvvəl Hörmüz boğazında həyata keçirdiyi hücum zamanı 8 ABŞ dəniz piyadasının yaralandığı iddia edilib.
AFN.az xəbər verir ki, NBC News-un adları açıqlanmayan 3 ABŞ rəsmisinə istinadən yaydığı xəbərdə İranın sentyabrın 14-də Hörmüz boğazında ABŞ-a məxsus gəmiyə gəmi əleyhinə raketlə zərbə endirdiyi bildirilib.
Xəbərdə gəmidəki 8 dəniz piyadasının yaralandığı iddiasına yer verilib. Yüngül xəsarət alan və tüstüdən təsirlənən hərbçilərin, ehtimal ki, travmatik beyin zədəsi keçirdikləri bildirilib.
Xəbərdə hərbçilərin daha sonra xidmətlərinə qayıtdıqları qeyd olunub.
