Sivas şəhidlərinin adını yaşadan azərbaycanlı Türkiyə mediasında- VİDEO
Azərbaycan vətəndaşı Sivas Quliyevin Türkiyənin Sivas şəhərinə səfəri yerli medianın, ictimaiyyətin diqqətini çəkib.
Qafqaz İslam Ordusunun Sivasdan olan şəhid olan əsgərlərinin xatirəsini yaşatmaq üçün ona 64 il əvvəl Sivas adı qoyulub. Bu barədə məlumatı diaspor üzrə araşdırmaçı jurnalist, Sivas Quliyevin dostu Elnur Eltürk verib. Sivas Quliyev yerli televiziyaya açıqlamasında 1954-cü ildə Azərbaycanda anadan olduğunu bildirib.
“Sivası yuxularımda görürdüm. 64 ildir ki, xəyallarımla,yuxularımla Sivasa gəlirdim. Mənə bu ad atam tərəfindən qoyulub. Atam çoğrafiya müəllimi idi. Tariximizi çox yaxşı bilirdi. 1918-ci ildə Azərbaycanın vətənimizə Qafqaz İslam Ordusunun tərkibində sivaslı əsgərlər də olub. Onlarda Azərbaycanın azadlığı uğrunda şəhid olublar. Atam onların xatirəsinə yaşatmaq üçün mənə Sivas adını qoyub. Bundan qürur duyuram.
Sivas Quliyev Sivas insanın mərd, cəsur, qonaqpərvər olduğunu qeyd edib:
“Düşünürəm ki, Sivasla bizim aramızda ruhən, mistik bir bağlılıq var. Ortaq tarixi amillər bizi birləşdirir. Bilirsiniz ki, mənşəcə Azərbaycan türklərindən olan məşhur şair, dövlət xadimi və alim Qazi Bürhanəddin Sivasda fəaliyyət göstərib. XVI əsrdə yaşamış xalq şairi, ozan Pir Sultan Abdal Sivasda anadan olub”.
[media=https://www.youtube.com/watch?v=sbqy9owj0Hc&fbclid=IwAR1b6pLZ-AhyB7D3IYeZDd7yD2QHa_9QI-iLnXLQ2EiIL3L2XYvdCqcGtJI]
