Yəməndə son 5 ildə silahlı toqquşmalarda 233 min nəfər ölüb
![](https://static.report.az/photo/50136273-7c5e-364d-ba7e-d6bb1ead6326_850.jpg)
Yəməndə 5 il ərzində münaqişənin gedişi nəticəsində 233 min nəfər həlak olub.
“Report” “Reuters”ə istinadən xəbər verir ki, məlumatı BMT-nin Humanitar məsələlər üzrə ali komissarının idarəsi yayıb.
“Yəməndə münaqişə nəticəsində artıq 233 min qurban var. Bu, çox təəssüfləndirici qəbuledilməz rəqəmdir”, - idarədən bildirilib.
Qeyd edək ki, Yəməndə 2014-cü ildən İranın dəstəklədiyi husi qiyamçıları ilə hökumət qüvvələri arasında silahlı toqquşmalar davam edir.