Gürcüstanda silahlı şəxs banka hücum etdi: 12 girov var - VİDEO
![](https://www.bakupost.az/uploads/news/2022-09-20-13-49-01HjJZy5eHCg2QcWi0169A_file.jpg)
Gürcüstanın Kutaisi şəhərində silahlı şəxs banka hücum edib.
AFN xəbər verir ki, Gürcüstan Daxili İşlər Nazirliyi hadisə ilə bağlı məlumat yayıb.
Bildirilir ki, “Gürcüstan Bankı”nda 12 nəfər girov götürülüb.
“Hüquq-mühafizə orqanları onların sürətli və təhlükəsiz azad edilməsi üçün bütün lazımi tədbirləri görürlər”, - məlumatda deyilir.
Qeyd edək ki, soyğuncu üç saat ərzində ona 2 milyon dolların verilməsini istəyir.
İlkin ehtimala görə, cinayətkar bank filialında partlayıcı qurğu quraşdırıb.