Qlobal bazarlarda müsbət tendensiya davam edir
Qlobal bazarlar, ABŞ Federal Ehtiyat Sisteminin (FED) iclas protokollarında resessiya ilə bağlı narahatlıqların gələcəkdə daha yaxından izləniləcəyini vurğulamaqla müsbət istiqamətdə davam edir.
AFN.az xəbər verir ki, dünən açıqlanan FED protokollarında, üzvlərin inflyasiyanın qəbuledilməz dərəcədə yüksək olduğunu və faiz dərəcələrinin bir müddət yüksək qalmalı olduğunu düşündükləri göstərilib.
Digər tərəfdən, bankın faiz artımında ölkənin inkişafını nəzərə alması lazım olduğunun vurğulanması bazarlar tərəfindən müsbət qarşılanıb. Analitiklər qeyd ediblər ki, protokollar mövcud mövqeyinin qaldığını göstərsə də, yekun faiz dərəcəsi ilə bağlı aydın siqnalın olmaması pul bazarlarında qiymətlərin aşağı salınması ilə bağlı gözləntiləri gücləndirib.
Buna uyğun olaraq, FED-in pul bazarlarında faiz dərəcələrini 25 bənd artırmağa davam edəcəyi proqnozlaşdırılarkən, bankın faiz artımlarını 4,75-5 faiz səviyyəsində bitirəcəyi təxmin edilir.
FED-in fevral ayında faiz dərəcələrini 70 faiz ehtimalla 25, 30 faiz ehtimalla 50 bənd artıracağı proqnozlaşdırılır.
Digər tərəfdən, FED rəsmiləri uzun bir fasilədən sonra şifahi təlimatlar verməyə başlasa da, Minneapolis FED sədri Neel Kashkari dünənki açıqlamalarında mövcud mövqeyini qorumaqla faiz artımlarının 5,4 faiz ətrafında dayanması lazım olduğunu bildirib.
Analitiklər, FED üzvlərinin bu gün də şifahi təlimat verməyə davam edəcəklərini ifadə edərək, üzvlərin açıqlamalarının bazarların istiqamətinə təsir edə biləcəyini ifadə ediblər.
Ölkədə açıqlanan makroiqtisadi məlumatlar qarışıq siqnallar verməkdə davam edir. Dünənki məlumatlara görə, ABŞ-da Tədarük İdarəetmə İnstitutunun istehsal indeksi dekabr ayında bir əvvəlki aya görə 0,6 bal azalaraq 48,4-ə enərək istehsal sektorunun ardıcıl ikinci ay daraldığını göstərir.
Qeyd edək ki, ABŞ-da şirkətlərin ixtisarı davam edərkən “Amazon” 18 min işçisini, Amerikanın bulud əsaslı proqram təminatı şirkəti “Salesforce” isə işçilərinin 10 faizini işdən çıxaracağını açıqlayıb.
Digər tərəfdən, əmtəə qiymətlərində dəyişkən bir kurs müşahidə edilir. Dünyada güclənən tənəzzül narahatlıqlarından sonra “Brent” markalı neftin barel qiyməti 5,3 faiz azalaraq 78,1 dollara enərkən, qızılın unsiya qiyməti 1865 dollarla son 7 ayın ən yüksək səviyyəsini sınaqdan keçirir.
Dünən kənd təsərrüfatı məhsullarının qiymətlərində də enmə tendensiyası müşahidə edilib. Həftənin əvvəlindən bəri baş verən itki buğdada 5, qarğıdalıda isə 3 faizi keçib.
Analitiklər, sözügedən azalmanın tələblə bağlı narahatlıqlarla birlikdə Rusiyanın buğda ixracının gözləntilərin üzərində reallaşdığını qeyd ediblər.
Beləliklə, dünən Nyu-York birjasında S&P 500 indeksi 0,75 faiz, Nasdaq indeksi 0,69 faiz, Dow Jones indeksi isə 0,40 faiz bahalaşıb. ABŞ-da indeks fyuçers müqavilələri yeni günə enişlə başlayıb.
Avropa tərəfində açıqlanan məlumatlar xidmət sektorunda iqtisadi aktivliyin məhdud da olsa yaxşılaşdığını göstərsə də, Fransada açıqlanan inflyasiyanın gözləntilərin altında olması riski artırıb.
Analitiklər, bölgədə açıqlanan inflyasiya məlumatlarının indiyə qədər Avropa Mərkəzi Bankını (AMB) rahatlaşdıracaq şəkildə reallaşdığını, bazarlardakı qiymətlərdə bankın faiz artımlarında mövcud rəftarını yumşalda biləcəyi gözləntilərinin artacağını bildiriblər.
Dünən Almaniyada DAX 40 indeksi 2,18 faiz, İngiltərədə FTSE 100 indeksi 0,41 faiz, Fransada CAC 40 indeksi 2,30 faiz , İtaliyada MIB 30 indeksi 1,74 faiz artıb. Avropada indeks fyuçers müqavilələri yeni günə satış yönümlü kursla başlayıb.
Nyu-York birjasındakı müsbət tendensiya Asiya bazarları ilə yeni günə daşınsa da, Çin hökumətinin iqtisadiyyata dəstək olacağına dair gözləntilər riskin artmasının əsas səbəbi olmaqda davam edir.
Ölkədə Covid-19 tədbirləri aradan qaldırılmağa davam edərkən, Çinin 2020-ci ildən bəri bağlı olan Honq Konq sərhəd qapısını yenidən açacağı açıqlanıb.
Bu yeniliklərlə Yaponiyada Nikkei 225 indeksi 0,4 faiz, Çində Şanxay kompozit indeksi 1 faiz, Honq Konqda Hang Seng indeksi 1,4 faiz, Cənubi Koreyada Kospi indeksi 0,5 faiz yüksəlib.
Analitiklər bu gün ölkə daxilində həftəlik pul və bank statistikası, ölkə xaricində isə ABŞ-da ADP özəl sektor məşğulluğu və avro bölgəsində İstehsalçı Qiymətləri İndeksi (ÜFE) başda olmaqla sıx məlumat gündəminin izlənəcəyini, 5.600 səviyyələrinin müqavimət, 5.500 və 5.420 balının dəstək şəklində olduğunu söyləyiblər.
Leyla
