Azərbaycanlı istifadəçilər arasında ən populyar sosial şəbəkə AÇIQLANDI
2023-cü ilin fevral ayında “Facebook” sosial şəbəkəsinin azərbaycanlı istifadəçilərinin aktivliyi yanvar ayı ilə müqayisədə 1,03 faiz azalaraq 28,54 faizə düşüb.
“Trend” bu barədə "Global Stats" Statistika Mərkəzinə istinadən xəbər verir.
Bu göstəriciyə görə, ikinci yerdə “Instagram” dayanır. Onun payı 1,35 faiz artaraq 24,48 faizə çatıb. Üçüncü yerdə 23,49 faizlə “YouTube” gəlir (2,01 faiz artım).
Bu göstəriciyə görə dördüncü yerdə “Pinterest” sosial şəbəkəsi gəlir. Onun yerli bazarda payı ötən ayla müqayisədə 1,52 faiz azalaraq 12,95 faizə düşüb.
“Twitter” media platforması 7,73 faizlə Azərbaycanın sosial şəbəkələr bazarında populyarlığına görə beşinci yer tutub (ay ərzində 0,33 faiz azalma). Reytinqdə altıncı yeri 0,8 faiz göstərici ilə “Linkedin” tutub.
Digər sosial şəbəkələrin payı 2,02 faiz təşkil edib.
