Qazaxıstanda fövqəladə vəziyyət elan edilib
Qazaxıstanın cənubundakı Cambil vilayətinin 6 rayonunda həddindən artıq istilər və suvarma suyunun olmaması səbəbindən fövqəladə vəziyyət elan edilib.
Cambil qubernatorluğundan verilən açıqlamada, Baş nazirliyin qərarı ilə vilayətin Bayzak, Cambil, Korday, Merki, Rıskulov və Talas rayonlarında regional fövqəladə vəziyyət elan edildiyi bildirilib.
Açıqlamada qeyd olunub ki, sözügedən rayonlarda həddindən artıq istilər və suvarma suyunun olmaması səbəbindən zərər çəkən fermerlərə kompensasiyaların ödənilməsi məqsədilə dəymiş ziyanın qiymətləndirilməsi işləri aparılıb.
Nazirlər Şurasının həftəlik iclasından sonra verdiyi açıqlamada kənd təsərrüfatı naziri Yerbol Karaşukeyev bildirib ki, Qırğızıstandan gələn su axınının az olması səbəbindən Cambil vilayətində 7-8 min hektar plantasiya sahəsi zədələnib.
Karaşukeyev bildirib ki, bu torpağın 1000-2 min hektarında mühüm məhsul olan şəkər çuğunduru əkilir.
Qırğızıstanın Kənd Təsərrüfatı Nazirliyi həmçinin ölkənin Talas vilayətindəki Kirov bəndində suyun səviyyəsinin kritik aşağı düşməsi səbəbindən Qazaxıstanın cənub bölgəsinə suyun verilişinin dayandırıldığını açıqlayıb.
