Tayvanda "Haikui" qasırğası 78 nəfərin yaralanmasına, minlərlə insanın təxliyəsinə səbəb oldu
Tayvanı vuran "Haikui" qasırğası nəticəsində 78 nəfər yaralanıb. Adanın Daxili İşlər Nazirliyindən bildirilib ki, hələlik itkilər barədə məlumat yoxdur.
Nazirlikdən verilən məlumata görə, pis hava şəraiti ilə bağlı ən çox xəsarət alanlar adanın cənubunda tayfunun əsas zərbəsini almış ərazilərdə - Kaosyunq şəhərində (23 nəfərin tibbi yardım üçün müraciət etdiyi) və Taitunq qraflığında qeydə alınıb. Burada 20 nəfər qasırğanın qurbanına çevrilib.
Xilasedicilər dağlıq ərazidən, sahildən və digər təhlükəli ərazilərdən 7,1 min nəfəri təxliyə ediblər. Ümumilikdə adada insanların pis havanı gözləyə biləcəyi 95 müvəqqəti sığınacaq yerləşdirilib. Hazırda onların tərkibində 1,9 min nəfər var.
Departament əlavə edib ki, Tayvanda təxminən 57,9 min ev təsərrüfatları elektrik xətlərinin və digər infrastrukturun zədələnməsi səbəbindən işıqsız qalıb. Ümumilikdə 217,4 min təsərrüfat müəyyən dərəcədə elektrik enerjisinin verilişində fasilələrlə üzləşsə də, hazırda onların əksəriyyətinə elektrik enerjisinin verilişi bərpa olunub. Daha 12,9 min ev susuz qalıb.
Agentliyin məlumatına görə, xilasetmə xidmətləri təcili çağırışlara təxminən 1,4 min dəfə cavab verib.
